Tembang
macapat ada 11 ( sebelas ) :
- Maskumambang
- Pocung
- Gambuh
- Megatruh
- Mijil
- Kinanthi
- Asmaradana
- Durma
- Pangkur
- Sinom
- Dhandhanggula
Tembang
macapat itu terdiri dari Guru Gatra, Guru wilangan, guru lagu, dan
watak.
Guru
gatra adalah jumlah baris dalam tembang
macapat
Guru
wilangan adalah jumlah suku kata dalam
tembang macapat
Guru
lagu adalah jatuhnya suara di akhir
baris tembang macapat
TEMBANG MACAPAT
- A. PANGKUR
- Kanjeng sunan kali jaga
Sunan gunung jati pocung
Njeng sunan bonang durma
Maskumambang yeku sunan maja agung
Tembang mijil ingkang ngripta
Sunan geseng asmane ki
- Sunan giri smarandana
Sunan murya padha pangkur
Dene sinom kang ngripta
Datan sanes njeng suna giri rumuhun
Megatruh iku kang yasa
Nenggih kanjeng sunan giri
- Sekar pangkur kangwinarna
Ala lan becik puniku
Prayoga kawruh ana
Adat waton puniku dipun kadulu
Miwah ingkang tata krama
Den kaesthi siyang ratri
- Deduga lawan prayoga
Iku parabot satuhu
Tan kena tininggalan
Tangi lungguh angadeg tuwin lumaku
Ngucap meneng anendra
Duga-duga nora kari
- muwah ing sabarang karya
papat iku datan kantun
kanggo sadina-dina
lan ing wengi nagara miwah ing dhusun
kabeh kang padha ambegan
papat iku nora lali
- Kalamun ana manungsa
Iku watege tan patut
Amor lawan wong kathah
Wong deg sura daludur tan wruh ing edur
Aja sira pedhak-pedhak
Ora wurung meniwasi
- Mapan wataking manungsa
Solah muna-muninipun
Pan dadya panengeran
Kang ngapinter kang bodho miwah kang luhur
Kang asor lan kang mlarat
Tanapi manungsa sugih
- Heh padha mongsapa dhaa
Iki uru bisma prabu
Wong sekti mondra guna
Kalok ingrat pilih tandhing ing prang pupuh
Sura mrata jaya mrata
Tau tate angentasi
- Surya candra lan kartika
Yekti mawa pasang surut
Ywa maneh tamung sira
Yen kalisa owah gingsir ing tumuwuh
Ratri rina sore beda
Baya tan susah pinikir
- Jirak pindha munggwing wana
Sinambi kalane nganggur
Wastra tumrap mustaka
Pangikete wangsalan kang sekar pangkur
Baon sabin ing nawala
Kinarya langen pribadi
- B. POCUNG
- Jrotyas wuyung nulat sekar gandanya rum
Lina lutan bangkit lalis
Tulus lalu lila lamun pinetika
- Iya mathuk bakal ya tansah kepethuk
Yekti marga isi-isi
Wite dhuwur angel tumi-tumiyungna
- Yen satuhu arum njawi lebetipun
Mongka sudarsana yekti
Aweh mulya ngambar gandane kusuma
- Bapak pocung cangkemmu marep mandhuwur
Pencokanmu lambung kering
Prapteng wisma si pocung mutah guwaya
- Angkara gung neng angga agung gumulung
Tri loka kere kongsi
Yen den umbar ambabar dadi rubeda
- Pangajabku duwe gegayuhan luhur
Mbrastha kemiskinan yekti
Swasembada murah sandang pangan papan
- Yen wus iku nagri kita bakal maju
lan bangsa mancanegari
ja kesuwen dadi negara berkembang
- Bapak pocung dudu watu dudu gunung
ngon ingone sang bupati
prapteng marga si pocung lembehan grana
- Bapak pocung amung sirah lawan gembung
Mati sajroning ngaurip
Si pocung dadi dahana
- Bapak pocung dudu tampar dudu dadhung
Penclokanmu kayu garing
Prapteng griya si pocung ngetokne cahya
- C. MIJIL
- Duksamana durung ana listrik
Padhang mbulan tur akeh kancane
Tetembangan njoget genti-genti
Majune di gilir
Surak rame gupyuk
- Nggaru mluku nganggo kebo sapi
Jam sepuluh teka kirimane
Bapa tani enggala nglereni
Nggone nambut kardi
Nuli mentas wisuh
- andhe dhuh biyung wayah apa iki
ing gegana ting abyor lintange
titi sonya puspita kasilir
marutaris kengis
sumrik gandanyarum
- Padha dipun eling mring pitutur ing ngong
Kudu anteng jatmila ing budi
Ruruh sarta wasis
Samubarangipun
- Dipun nedya prawira ing batin
Sasabana yen durung mangsane
Kakendelan aja wani mingkis
Winika ing batin
Den samar ing semu
- Lan dimanteb mring panggawe becik
aja kurang iya panrimane
yen wis tinitah marang Hyang Widhi
ing badan puniki
wis papancenipun
- Deda lanne guna lawan sekti
Wani ngalah dhuwur wekasane
Tumungkulla yen dipundukanni
Ruruh sarwa wasis
Samubarangipun
- Jawa tengah dadi lumbung pari
Panca usaha katindakake
Para warga sarta para tani
Sregep nyambut kardi
Mamrih adil makmur
- Lanang wadon ora ana kari
Kacukupan kang dadi butuhe
Kanggo srana anggone leladi
Labuh ing nagari
Bekti ing Hyang agung
- Poma kaki dipun eling
Sira uga satriya arane
Kudu anteng jatmika ing budi
Ruruh sarta waris
Samubarangipun
- D. KINANTHI
- Nalikanira ing dalu
Sirep kang balawanara
Sadaya wus sami guling
Nadyan ari sudarsana
Wus dangu nggenira guling
- Kukusing dupa kumelun
Kawengku sagung jajahan
Nanging saget angikipi
Sang resi kaneka putra
Kang anjog saking wiyati
- Kagyat risang kapirangu
Duh sang retnaning bawana
Ya ki tukang walang ati
Ya ki tukang ngenes ing tyas
Ya ki tukang kudu gering
- Teka ndadak melu-melu
Lali yen kalengkangningrat
Ing bawana amurwani
Mustikaning jagad raya
Dhemen lalen sangga runggi
- Sun iki ngembani wuwus
Bathara sukma kawekas
Sira ingkang den paringi
Nenggih maosadi lata
Panguripe wong sabumi
- Punapa tamirah ingsun
Tuhu dahat tanpa karya
Sengkang rine mekan Gusti
Gelung rinusak sekarnya
Sumawur gambir melathi
- Midering rat angelangut
Mubeng tepi ning samodra
Sumengka anggraning wukir
Anelasak wana wasa
Tumuruning jurang trebis
- Giwanging surya mbok gunung
Tan gumingsir prapteng pejah
Mung sira kang condhong budi
Peksi reng mangsa kunarpa
Sun dhandhang dadiya krami
- Sulung enjang dhuh mbok gunung
Ngur matiya raganingwang
Lamun tan bisa karonsih
Ancur kaca dhuh bandara
Kang dadi rasaning ati
- Bokor siti dhuh mbok gunung
Cirak arga munggwing wana
Krawitan selehing gendhing
Durung tutug jejagongan
Kasusu tinundhung mulih
- E. SINOM
- Nulada laku utama
Wonga gung ing ngeksi ganda
Panembahan senapati
Kepati amar sudi
Sudaning hawa lan nepsu
Pinesu tapa brata
Tanapi ing siyang ratri
Amemangun karya nak tyas ing sasama
- Punika serat kawula
Sapisan salam pandonga
Kapindo takon pawarti
Jare sirarsa laki
Ingsun mung sewu jumurung
Amung ta wekasi wang
Gelang alit mungging driji
Lamun sida aja lali kalih kula
- Bang bang wetan wus rahina
Medala lawang butulan
Lawang gedhe den jageni
Wanci punapa iki
Wancine sawung kaluruk
Umyung swarane sat
Mager sari padha tangi
Wus rahina wong bagus enggal wungua
- Laksi tane janma tama
Tan tinggal duga prayoga
Riri ngatan sah liniling
Lamun micara manis
Netya sumeh semu arum
Tanggap nging nora calak
Kawignyan dineleh wuri
Ngarah arah nut wahyaning kala mangsa
- Sun iki dhutaning nata
Kekasih Damar Sasangka
Atma mantune ki patih
Magang anyar awak mami
Lahta bisma praptaningsun
Ingutus Sang Narpendah
Kinen mocok murdataji
Marmaningsun ingutus ywa mindho karya
- Tumraping warga negara
Kang winastan pancasila
Aja nganti padha lali
Jalaran iku dadi
Pangiket ingkang satuhu
Mrih manunggaling bangsa
Beda-bedaning agami
Nora perlu padha kanggoregejegan
- Nadyan tekan jaman kapan
Kanggo nggayuh karukunan
Myang tentreming lahir batin
Sabab ing jaman mangkin
Akeh wong kang wus anyingkur
Tumpraping pancasila
Iku eman-eman yekti
Kang ateges datan ngurmati pejuang
- Wewangsalan roning kamal
Wreksa kang pinetha janma
Golek kawruh kang sajati
Kolik priya upami
Anganggowa reh kang tuhu
Kapika pasren karna
Gegelang munggwing dariji
Aywa tinggal miwah lali pariwarna
- Ing marga tan kacarita
Laju lun alun utara
Sami ninggali waringin
Kagunganing narpati
Dewadaru Jaya daru
Pinacak suji tosan
Ngrembuyung rone ngayomi
Pating klawer salure nyela pang wreksa
- Waringin kembar tinilar
Malebet gedhong njenggarang
Sasanawaka nami
Sinangga sakaneki
Cacah patang puluh wolu
Gyane para bupatya
Miwah sagung para mantri
Samya seba tinindhihan wrangkanata
- F. DHANDANGGULA
- Kekidungan kang mawa pepeling
Wong urip iku wajibe
Ngagengna darmanipun
Kanthi rila terusing ati
Sira wajib lenggana
Manungsa puniku
Cinipta datan sampurna
Lan manehe tan bisa urip pribadi
Tansah butuh wong liya
- Aja nyawang mring bedaning kulit
Iku kanca nira kabeh
Sanadyan drajadipun
Luwih cendhek lawan si reki
Becik den kurmatana
Sesamaning makhluk
Yen iku wus katindhakna
Mesti sira tetep bakal den payungi
Gusti kang Maha Nasa
- Wardining kang sasmita jinarwi
adoh marang kanisthane
pamicara puniku
wah reseping sagung miyarsi
tatakrama puniku
ngedohaken panyendhu
kagunan iku kinarya
ngupa boga dene kelakuan becik
weh rahayuning angga
- Dandhanggula ngresepake ati
Yen pangkur sereng wateke
Gambuh mawa pitutur
Yen prihatin nembanga mijil
Kasmaran smarandana
Maskumambang trenyuh
Galak greget nyekar durma
Yen megatruh gegetunang nglut lan sedhih
Pocung gecul sembrana
- Iku kabeh watak tembang yekti
Kajaba guru lagune
Ingkang perlu den emut
Saben tembang yekti tan sami
Guru wilanganira
Wus pinathik baku
Lagu winengku ing sastra
Yen wus iku pedhotane kang premati
Pryoga katindhakna
- Sinarka arsa murwakani
Endah asri suwarnane
Saka sinungging wungu
Kuning gadhing akarya asri
Plataran gilar-gilar
Asri yen dinulu
Payon katon maya-maya
Anjenggarang kukuh bakuh edi peni
Karya ascaryaning tyas
- Mulya yekti pigunane masjid
Agama islam mekare
Ngibadah mring Hyang Agung
Gusti Alloh kang maha asih
Papan kinarya dakwah
Nggegulang mring mring ngelmu
Saraking agama islam
Mula wajib masjid iku denpepetri
Tulus trusing wardaya
- Sapa wong kang akarya kang masjid
Raden patah asmane
Brawijaya sunu
Ratu agung ing majapait
Miyos saking gwagarba
Putri cempa ayu
Wau ta raden patah
Wiwit timur wineleg sagunging ngelmi
Sarak agama Islam
- Sinengkuyung sagunging prawali
Wali sanga nggih arane
Dhihin Syeh Magrib tuhu
Sunan ngampel kang kaping kalih
Tri sunan bonang ika
Sunan giri catur
Syarifudin sunan drajat
Anglenggahi urutan gangsal sayekti
Iku ta warnanira
- Kaping nenem kanjeng sunan kali
Nenggih kasapta candhake
Yeku jeng sunan kudus
Jakfar sidik syeh magribi duk taksih alit
Astha sunan muriya
Kang uga sinebut
Raden umar said ika
Jangkep sanga sunan gunung jati nenggih
Winastan fatahillah
- G. MEGATRUH
- kacarita kyana patih dhendhabahu
amenggang gesar wawulung
apindha jakir nagari
yen ka anggul janma menggok
- Aywa kliru kang jeneng urip iku
Sing bisa branahan iku
Run tumurun ing salami
Tetuwuhan kewan janma
- Kabeh iku mung manungsa kang pinujul
jroning urip iku mau
isi ati klawan budi
iku pirantine ewong
- Sigra milir sang gethek si nangga bajul
Ing ngarsamiwah ing pungkur
Tana pi ing kanan kering
Sang gethek lampahnya alon
- Dhuh Gusti ku Sri Rama kang hambeg sadu
Kalamun kusumaningrum
Dyah Sinta sinaut wani
Dening Ngalengka sang katong
- yen woh-wohan enak mentah iku timus
manggis enak blibaripun
palem enak mateng ati
salah enak rada bosok
- Nora kena sinelak selak pineluk
Yen lara anggepi reku
Temah kether maring ngening
Adoh kaelet tan adhoh
- Kangwas kitha mangsa kenaa kaliru
Sasra bau sasra bau
Yen lagi kinarya silih
Yekti lang sipating loro
- Dhuh Dhuh Dewa Bathara ingkang linuhung
Mring dasih kang wlas ayun
Kasangsaya gung prihatin
Sru nalangsa jroning batos
- Puluh puluh wus begjane awak ingsun
Tan langgeng den mong wong sepuh
Baya wus karsaning Widhi
Pinasthi dhewe wak ing ngong
- H. GAMBUH
- Sekar gambuh ping catur
Tanpa tutur katula-tula katali
Kadulu warsa kapatuh
Katutuh pan dadi awon
- Lan sembah sungkem ipun
Apan titah sadaya amung sadermi
Tan welangsira andhaku
Kabeh kagungan Hyang Manon
- Marmane sira sagung
Dipun becik mring sasama ning dumadi
Supaya nora kaduwung
Mrih rahayu ning lalakon
- Ana wong uwis sepuh
Lanang wadon wis diwasa tekeng wanci
Kang watek kosok wangsul
Ngalor ngidul nora cocok
- Kang wadon banget wungkul
Dasar gemi nastiti sarwa mrantasi
Pagaweyan kasar alus
Kabeh gelem ara mopo
- Beda lan kakangipun
Tur wegahan lumuhan sabarang kardi
Boros ngebreh tanpa petung
Apa-apa ora enjoh
- Aja nganti kabanjur
Yen kabanjur sayekti kojur tan becik
Becik ngupayaa iku
Pitutur ingkang sayektos
- Yen wong mangkono iku
Nora wurung anuntun panggawe juti
Nanging ana pantesipun
Wong mangkono didhedheplok
- Pitutur bener iku
Nadyan metu saking wong sudra pepeki
Lamun becik tuturipun
Iku pantes sira anggo
- Sikidang umbagipun
Pan si gajah ngadelaken gung kang inggil
Ula ngadelaken iku
Mandine kalamun nyakot
- MASKUMAMBANG
- Nadyan silih bapa biyung kaki nini
Kalamun muruk tan becik
Nora pantes yen den nuta
- Apan kaya mangkono watekan iki
Yen duwe watek tan becik
Miwah tindak tan prayoga
- Aja sira niru tindak kang tan becik
Lamun pamuruke becik
Miwah tindake prayoga
- Wong tan manut pitutur wong tuwa ugi
Ing donya tumekeng akhir
Tan wurung kasurang-surang
- Maratani ing anak putu ing wuri
Aja na kang kumawani
Ing bapa tanapi biyang
- Dhuh anak mas sira wajib angurmati
Aja pisan kumawani
Anyenyamah gawe susah
- Mugi Alloh ingkang maha asih
Pepenget kang padha lali
Elinga mring kautaman
- Uripira pinter samubarang kardi
Ing batin saking Hyang Widhi
Mulane wajib sinembah
- Putri cina gelangsaran melas asih
Pedhangen juren wak mami
Aja andedawa lara
- Narimaa yen nuju nampa seserik
Lali nggonmu gawe serik
Elinga purbaning sukma
- ASMARANDANA
- Jomblah wanuh ingkang wadi
Pamestri kuwajibane
Den wanuh budining priya
Dimen tuk sih tan kendhat
Mbok manawa wuwuh wuwuh
Wikaning tyas marang sira
- Jamane nyata wus keksi
Bakal nampa pituwase
Nging padha eling-elinga
Sosial mring sesama
Nggenya sami golek butuh
Tan mung nggo dhiri priyangga
- wus begjane wongkang sugih
wragad kapetung sepele
kabutuhan wus sumadya
kepara kari aba
donya iki pancen makmur
mung emane durung wrata
- kang kulina den adhepi
repot rumpil abot angel
mula jeneng kasarasan
kang butuh wragad larang
nora kober dipun rembug
kepara den sepelekna
- pembangunan jaman iki
ketara kamakmurane
yen sinawang sakeplasan
wrata sanuswantara
nging yen mlebet njajah dhusun
pranyata bangkit den makna
- dhusun pancen katon asri
nuhoni paugerane
tumata tentrem raharja
nanging sanyatanira
apa ora amung palsu
sokur yen pancen wus mulya
- Ngungak jaman duk ing uni
Bisane kelakon rata
Makmur desa ngadesa
Saranane tetep kudu
Sengkut gumregut makarya
- Lumrah tumrap wong ngaurip
Tan ngrasa cukup butuhe
Ngenteni rejeki tiba
Lamun tanpa makarya
Sengara bisa kepthuk
Kang mangkono bundhelana
- Nginguk pawartos ing jawi
Aja mung gedhe sambate
Iku wus ingaran lumrah
Sayekti kabeh imbang
Tan ana reregan mudhun
Jangkeping sen isen donya
- Negara mardika iki
Tumrap kabeh sapa wae
Kang kepengin kecukupan
Bebas nggennya makarya
Waton aywa kongsi ngganggu
Katentremaning bebrayan
- DURMA
- Ayo kanca gugur gunung bebarengan
Amrih kasembadan
Tujuan pembangunan
Pager apik dalan resik
Latar gumelar
Wisma asri kaeksi
- Paman- paman apa wartane ing ndalan
Mati kena apa
Mati pinendang ligan
Ing jaja terusing gigir
Akari raga
Badan kari gumlinting
- Krodha ngunus candrasa Rahwana mangsah
Candra samakilat
Hingayat tan umesat
Janthayu miber ngungkuli
Gumreng ngawiyat
Dasamuka nuntuti
- Bener luput ala becik lawan begja
Ing badan priyangga
Dudu saking wong liya
Pramila den ngati ati
Sakeh dirmaga
Singgah ana den aglis
- Matur nembah duk wau kawula tengga
Tinarka paduka
Nimbali ing kawula
Dadya kawula tinuding
Nusul paduka
Nanging kawula ajrih
- Apa silih pinangan ing mong ta sira
Laksmanawidagda
Pucat kena ing wisa
Martyas sang Rama nulya ngling
Ari laksmana
Mantili anengngendi
- Kadya pinuh sariranya dening kang rah
Regawa kumesar
Muring ring tyas mangarang
Marang ngendi sira yayi
Jarang hingungak
Manawatibeng trebis
- tiningalan tan ana wau kang garwa
laksmana punika
dereng panggih lan raka
wau duk panusulneki
tibeng wewisa
pucat netya maputih
- Palarasan undurrira saking tanam
Sang ramawijaya
Lawan ari laksmana
Kidang mas kang sampun keni
Pejah binekta
Marang nggene kang rayi
- Mituturi sang putri mantili dirja
Myarsa jrih dosanya
Denira numpes ditya
Ing balane Sri bupati
Mila tan nedya
Ngupaya garwaneki
KUMPULAN MATERI
ConversionConversion EmoticonEmoticon